Gure sortze-balioekin bat etorriz, gure negozio-ereduak konpromisoa du gizartearekin eta hura osatzen duten pertsonekin. Horregatik, inpaktu positiboa bilatzen duten produktuak eta zerbitzuak eskaintzen ditugu, bereziki, egoera ahulean dauden pertsonentzat.
Pertsonekin eta gizartearekin dugun konpromisoa jartzen dugu erdigunean. Hori posible egiteko, ordainbideak eta finantzaketa-zerbitzuak gero eta pertsona gehiagori eskuratzea errazten duten ekimenak bultzatzen ditugu.
Administrazio publikoekin eta gizarte-erakundeekin lankidetzan aritzen gara laguntza sozialen onuradunentzat aurreordainketako txartelak emateko.
2022an, laguntza sozialetarako 93.000 txartel baino gehiago jaulki genituen.
MoneyToPay-rekin batera, lehen sektoreko enpresen zerbitzura jartzen ditugu aldi baterako langileen plantillaren nominak ordaintzeko txartelak.
Txartel horiek ez dakarte inolako kosturik langileentzat, eta dirua erraz eta modu malguan eskura dezakete horien bidez.
2022an, 16.000 txartel baino gehiago jaulki genituen aldi baterako langileen nominetarako.
CaixaBank Payments & Consumer-en 100 GKEri baino gehiagori lotutako txartelak ditugu, eta 290.000 euro baino gehiago bildu izan dira horien bidez 2022an.
Bi GKE txartel mota ditugu: alde batetik, gure bezero solidarioenek aukeratzen duten gizarte-erakundeari jaulkipen- eta mantentze-kuotaren urteko zati bat lagatzeko erabiltzen ditugunak; eta, bestetik, haiekin egiten diren erosketen ehuneko txiki bat hautatutako gizarte-erakundera bideratzen dutenak.
Braille kodea duen lehen banku-txartela atera dugu Espainian, ONCErekin lankidetzan. Horren bidez, ikusmen-desgaitasuna duten pertsonek edozein motatako saltokietan egin ditzakete erosketak, modu autonomoan, aurrez aurre eta baita e-commerce bidez ere. Txartel berri hori aurrerapauso handia da banka inklusiboarekin dugun konpromisoan: gure zerbitzuak erabilerrazagoak dira eta bezeroaren esperientzia hobetzen dute.
Braille txartela 2022aren amaieran kaleratu zen, eta bi hilabeteren buruan bakarrik 1.498 txartel alta emanak ziren.
CaixaBank txartel guztietan eskuragarri.
CaixaBank Payments & Consumer-en, pertsonen beharretara egokitutako produktuak diseinatzeaz gain, finantza-hezkuntzako ekimenak sortzen ahalegintzen gara, erosketa hobeto erabakitzeko behar den informazio guztia emanez.
CaixaBank Taldeko kide garen aldetik, gure bezeroen eta, oro har, gizartearen finantza-kultura hobetzeko konpromisoa dugu, kolektibo ahulenak barne hartuta.
Gizartearen aurrerapenarekin eta pertsonen ongizatearekin konprometituta gaude. Horregatik, aliantzak egiten ditugu garapen iraunkorraren eta ingurumena babestearen balioak partekatzen dituzten gizarte-erakundeekin. Auzora konektatuta izeneko ekimenaren bidez, gure ordezkaritzetatik hurbilen dauden auzoetako gizarte-erakundeak identifikatzen ditugu, haiekin jarduerak eta ekintzak garatzeko.
Programa honen bidez, "La Caixa" Fundazioaren Gizarte Ekintzak ematen dituen funtsak osatzen dituzten gizarte-ekimenak babesten ditugu, enpresa kolaboratzaileen dohaintza eta deskontuekin. Formula Solidarioa programaren helburua da erakunde onuradunen proiektuak gauzatzen laguntzea.
CaixaBank Payments & Consumer-ek 68 antolakunderi lagundu die proiektuetan CaixaBank-ekin eta "La Caixa" Fundazioarekin batera. Horren bidez, kolektibo zaurgarriei eta bazterketa sozialaren arriskuan dauden pertsonei zuzendutako proiektu horiek 2 milioi euro baino gehiago jaso dituzte.
MUGIKORTASUN SOLIDARIOA
Aliantzak egiten ditugu automobilgintzaren sektoreko gure bezeroekin, deskontuak eta/edo dohaintzak egin ditzaten, gizarte-erakundeei ibilgailu jasangarriak ematen laguntzeko. 2022an 45 proiektu burutu genituen, guztira 1,78 milioi euroko balioarekin.
OSASUNA, ELKARTASUNA ETA IRRIBARREAK
Kolektibo zaurgarrienen oinarrizko premia oftalmologikoak, odontologikoak eta entzumenezkoak estaltzen dituzten programak garatzen ditugu, bereziki, haurrei arreta eskainiz. 2022an, mota horretako 5 proiektu gauzatu genituen, 162 mila euroko balioarekin.
IKT SOLIDARIOA
Eten digitala murrizteko, gure bezeroekin batera dohaintzak egiten ditugu teknologiaren eta informazioaren sektorean.
Dohaintza horien bidez, gizarte-erakundeen eta haien onuradunen behar materialak eta informatikoak asetzea bilatzen dugu, digitalizazio-prozesuetan lagunduz. 2022an, 7 ekimen solidario burutu genituen, 70 mila euroko balioarekin.
ETXE SOLIDARIOA
Gizarte-erakundeen bitartez, familien oinarrizko beharrak asetzeko proiektuekin lankidetzan aritzen gara, hala nola: ama-haurren premia handiko produktuak, osasunekoak zein elikadurakoak.
Horrez gainera, erakunde horien instalazioetarako altzari egokiak erosten ere laguntzen dugu. Horrela, 2022an 182 mila euro bideratu genituen arlo horretako 11 proiektutarako.
RENTING SOLIDARIO
Gizarte-erakundeei laguntza ematen diegu ibilgailu ez horren kutsatzaileak erosteko edo ekipo-ondasunak berritzeko, iraunkortasunaren gaineko araudi berriak kontuan hartuta. Beren errealitate ekonomikora egokitutako baldintza eta kuoten bidez egiten dugu, hain zuzen.
Gure boluntariotza-programari esker, gure langileek gizarte- eta ingurumen-proiektuetan aktiboki parte hartu dezakete. Era horretan, gizartea hobetzen eta bizi garen ingurunea babesten laguntzen ari gara, eta, aldi berean, boluntario guztien hazkunde pertsonala sustatzen dugu.
Gure boluntarioen komunitateak CaixaBank Taldearen erakunde guztietako pertsonak biltzen ditu, eta urtean 4.000 proiektu eta jarduera baino gehiagotan hartzen dute parte.
2022an, CaixaBank Payments & Consumer-eko 410 langilek 21 jardueretan hartu dute parte, esate baterako, teambuilding solidarioetan, ingurumen-jardunaldietan edo Aste Sozialeko ekintzetan.
Gure bezeroei eta, oro har, gizarteari zuzendutako beste ekintza horiek dohaintzen bilketa bultzatzen eta gizarte-erakundeekiko lankidetza sustatzen dute.
ZENTZUA DUTEN DOHAINTZAK
ReUtilízame CaixaBank-en gizarte-ekimen bat da, enpresek soberan dituzten materialak gizarte-erakundeei egoera onean ematea sustatzen duena. Proiektu horrek ekonomia zirkularra bultzatzen du eta, dagoeneko, 19 erakunderen 384 dohaintza lortu ditu.
AMETSEN ZUHAITZA
Gure langileak, gure partnerrak eta gure bezero asko familia zaurgarrienei zuzendutako opariak erostera engaiatzen dituen ekimen solidario bat da. Horri esker, 25.000 haur baino gehiagok Gabonetako eta Erregeetako euren opariak ireki ahal izan dituzte.
EREIN ZURE PROIEKTUA
Urtero, CaixaBank Payments & Consumer-en lan egiten duten guztiek gizarte-erakundeen proiektuak aurkeztu ditzakete, CaixaBank-en Gizarte Ekintzaren laguntza ekonomikoa jasotzeko aukera izan dezaten. Oro har, erakunde horietan kolaboratzen dute edo horiekin lotura zehatz bat dute. 2022an, gure plantillak 11 proiektu aurkeztu zituen guztira, eta 5 irabazle hautatu ziren.
ASTE SOZIALA
Gure plantillak, senide, lagun eta bezeroekin batera, boluntariotza maratoi batean hartzen dute parte CaixaBank-en Aste Sozialaren barruan. Guztira, 2.000 jarduera baino gehiago egiten ditugu Espainia osoan zehar, 1.000 inguru gizarte-erakunderekin lankidetzan arituz. Aste Sozialean egiten ditugun ekintzek askotariko gaiak dituzte, besteak beste: ingurumen-sentsibilizazioa eta -ekintza, adinekoentzako eta etorkinentzako arreta, hezkuntza, desgaitasuna edo haur-pobrezia. 2023tik aurrera, Aste Soziala Hilabete Soziala bihurtu da, sortzen duen inpaktua biderkatzeko helburuarekin.
FAMILIA PLANA
Adecco Fundazioak garatutako programa bat da, desgaitasuna duten pertsonei orientazioa eta laguntza emateko. Horren helburua da pertsonarekin eta familiarekin modu integralean lan egitea, haien autonomia, gizarteratzea eta lan-eratzea erraztearren.
AFLORA PLANA
Adecco Fundazioaren beste programa hori ere desgaitasunen bat duten pertsonen bizitza hobetzeko eta hori aukera batean bihurtzeko da.
Horretarako, ekimen honek orientabidea eta laguntza ematen die osasun-kronikotasuna duten pertsonei, desgaitasun-ziurtagiria lor dezaten eta haien abantaila eta onura sozialak balia ditzaten.
