CaixaBank Payments & Consumer erakundearentzat, etorkizunean pentsatzea iraunkortasunean pentsatzea da, gure balioen parte diren bi kontzeptu zatiezin baitira.
Iraunkortasuna berezkoa zaio gure enpresa-estrategiari, eta zeharka txertatzen dugu gure jardueran, hiru dimentsioei helduz: ingurumena, gizartea eta gobernantza (IGG). Hori lortzeko, Banku Iraunkorraren 2022-2024 Plana dugu, Taldearekin eta Banku Iraunkorraren Planarekin eta Garapen Korporatiboaren eta Jasangarritasunaren Arloarekin elkarlanean lerrokaturik egindakoa, eta hortik bultzatzen eta jarraitzen da, hain zuzen, Plana.
Plana erakundearen arlo desberdinetatik bultzatu beharreko 100 ekimen baino gehiagok osatzen dute, gure bezeroei trantsizio iraunkorra lortzen laguntzeko eta gizarte-inpaktu positiboa sustatzen jarraitzeko irtenbide eta finantza-produktu inklusiboen bidez.
Hori lortzeko, iraunkortasunaren kultura sustatzen dugu gure langileen artean, lan-ingurune inklusiboa eskainiz eta haien talentua eta garapen profesionala bultzatuz, eta gobernu oneko praktikak inplementatzen ditugu, jasangarritasuna behar bezala integratuko dela bermatzeko erabakiak hartzean eta erakundearen prozesu guztietan.
Plana egiteko, materialtasun-azterketa bat egin izan dugu gure jarduerarako garrantzitsuak diren IGG gaiak identifikatzeko eta lehenesteko, gure interes-taldeen iritzia kontuan hartuta.
CaixaBank Payments & Consumer-en bat egiten dugu CaixaBank Taldearen konpromisoekin gure inguruneko iraunkortasunaren hainbat arlotan aurrerapena bultzatzeko.
Horrez gain, Nazio Batuen 2030 Agendaren Garapen Iraunkorrerako Helburuak (GIH) lortzen laguntzeko konpromisoa hartzen dugu; batez ere, gure jarduerak zuzenago eragiten dien hurrengo 5 helburuetan: