De acordo cos nosos valores fundacionais, o noso modelo de negocio está comprometido coa sociedade e coas persoas que forman parte dela. Por iso, ofrecemos produtos e servizos que buscan un impacto positivo, especialmente para as persoas en situación de vulnerabilidade.
Pomos o noso compromiso coas persoas e coa sociedade no centro. Para facelo posible impulsamos iniciativas que facilitan o acceso a medios de pagamento e servizos de financiamento cada vez a máis persoas.
Xunto con MoneyToPay, colaboramos con administracións públicas e organizacións non gobernamentais coa emisión de tarxetas de prepagamento destinadas a persoas que reciben axudas sociais.
En 2022 emitimos máis de 93.000 tarxetas de axudas sociais.
Tamén xunto con MoneyToPay, pomos ao servizo das empresas do sector primario tarxetas para pagar as nóminas do seu cadro de persoal temporal.
Estas non teñen ningún custo para as persoas beneficiarias e facilitan a dispoñibilidade do salario de forma fácil e flexible.
En 2022 emitimos máis de 16.000 tarxetas para as nóminas de traballadores temporais.
En CaixaBank Payments & Consumer temos tarxetas asociadas a máis de 100 ONG, a través das cales se recadaron máis de 290.000 euros en 2022.
Temos dúas tipoloxías de tarxetas ONG: por un lado, coas que cedemos unha parte da cota anual de emisión e mantemento á entidade social que escollan os nosos clientes máis solidarios; e, por outro, as que destinan unha pequena porcentaxe das compras que se realicen con elas á entidade social escollida.
Emitimos a primeira tarxeta bancaria en código braille de España en colaboración coa ONCE. Con ela, as persoas con discapacidade visual poden realizar compras en calquera tipo de comercios de forma autónoma, en canle presencial e en e-commerce. Esta nova tarxeta supón un gran paso no noso compromiso coa banca inclusiva: fai máis accesibles os nosos servizos e mellora a experiencia do cliente.
A tarxeta Braille foi lanzada a finais de 2022 e en só dous meses déronse de alta 1.498 unidades.
Dispoñible en todas as tarxetas CaixaBank.
En CaixaBank Payments & Consumer, ademais de deseñar produtos adecuados ás necesidades das persoas, centramos os nosos esforzos en xerar iniciativas de educación financeira, facilitando toda a información necesaria para unha mellor decisión de compra.
Como parte do Grupo CaixaBank, temos o compromiso de mellorar a cultura financeira dos nosos clientes e a sociedade en xeral, incluíndo os colectivos máis vulnerables.
Estamos comprometidos co progreso social e o benestar das persoas. Por iso, establecemos alianzas con entidades sociais que comparten os nosos valores de desenvolvemento sostible e de preservación do medio ambiente. A través da iniciativa "Conectados ao barrio", identificamos as entidades sociais dos barrios máis próximos ás nosas delegacións para desenvolver actividades e accións con elas.
A través deste programa apoiamos iniciativas sociais que complementan os fondos de Acción Social da Fundación "la Caixa" con donativos e descontos de empresas colaboradoras. O obxectivo de Fórmula Solidaria é contribuír a facer realidade os proxectos das entidades beneficiadas.
En CaixaBank Payments & Consumer, xunto con CaixaBank, Fundación "la Caixa" e a colaboración dos seus partners, beneficiamos máis de 68 entidades con proxectos, cuxa achega supera os 2 millóns de euros, destinados a apoiar colectivos vulnerables e en risco de exclusión social.
MOBILIDADE SOLIDARIA
Establecemos alianzas cos nosos clientes do sector da automoción para que ofrezan descontos e/ou doazóns que faciliten ás entidades sociais dotarse de vehículos sostibles. No ano 2022 levamos a cabo 45 proxectos por un valor total de 1,78 millóns de euros.
SAÚDE, SOLIDARIEDADE E SORRISOS
Desenvolvemos programas conxuntamente cos nosos clientes especializados que cobren as necesidades básicas oftalmolóxicas, odontolóxicas e auditivas dos colectivos máis vulnerables, cunha especial atención á infancia. Durante 2022 realizamos 5 proxectos deste tipo por un valor total de 162.000 euros.
TIC SOLIDARIO
Para reducir a fenda dixital realizamos doazóns conxuntas cos nosos clientes no sector da tecnoloxía e a información.
A través destas doazóns, buscamos cubrir as necesidades materiais e informáticas das entidades sociais e os seus beneficiarios colaborando nos seus procesos de dixitalización. Durante 2022 levamos a cabo 7 iniciativas solidarias por un valor total de 70.000 euros.
FOGAR SOLIDARIO
Colaboramos con entidades sociais que teñen proxectos destinados a cubrir as necesidades básicas das familias vulnerables: produtos de primeira necesidade materno-infantil, sanitarios, de alimentación…
Ademais, tamén contribuímos á adquisición de mobiliario adecuado para as instalacións destas entidades. Desta maneira, en 2022 destinamos 182.000 euros para 11 proxectos neste ámbito.
RENTING SOLIDARIO
Axudamos as entidades sociais para a renovación de vehículos menos contaminantes ou bens de equipo, segundo as novas normativas en materia de sostibilidade. E facémolo cunhas condicións e unhas cotas axustadas á súa realidade económica.
O noso programa de voluntariado permite ao noso cadro de persoal participar de forma activa en proxectos sociais e ambientais. Desta maneira, estamos contribuíndo á mellora da sociedade e á protección do medio en que vivimos, ao tempo que fomentamos o crecemento persoal de todas as persoas voluntarias.
A nosa comunidade de voluntariado reúne persoas de todas as entidades do Grupo CaixaBank e participa en máis de 4.000 proxectos e actividades ao ano.
En 2022, desde CaixaBank Payments & Consumer participaron 410 persoas en 21 actividades, como teambuildings solidarios, xornadas ambientais ou accións da Semana Social.
Estoutras accións, dirixidas aos nosos clientes e á sociedade en xeral, impulsan a recadación de donativos e promoven a colaboración con entidades sociais.
DOAZÓNS CON SENTIDO
ReUtilízame é unha iniciativa social de CaixaBank para que as empresas fomenten a doazón dos seus materiais excedentes en bo estado a entidades sociais. Este proxecto favorece a economía circular e logrou xa 384 doazóns de 19 entidades.
A ÁRBORE DOS SOÑOS
Esta é unha iniciativa solidaria que involucra o noso cadro de persoal, os nosos partners e moitos dos nosos clientes na compra de regalos destinados ás familias máis vulnerables. Grazas a ela, máis de 25.000 nenos e nenas puideron abrir os seus regalos de Nadal e Reis.
PLANTA O TEU PROXECTO
Cada ano, todas as persoas que traballan en CaixaBank Payments & Consumer poden presentar proxectos de entidades sociais para que teñan a opción de acceder ao apoio económico de Acción Social de CaixaBank. Xeralmente, trátase de entidades nas que colaboran ou coas que teñen unha vinculación concreta. En 2022 o noso cadro de persoal presentou un total de 11 proxectos e foron seleccionados 5 gañadores.
SEMANA SOCIAL
O noso cadro de persoal, xunto con familiares, amigos e clientes, participa nun maratón de voluntariado no marco da Semana Social de CaixaBank. En total, celebramos máis de 2.000 actividades repartidas por toda España e realizadas en colaboración con cerca de 1.000 entidades sociais. As accións que levamos a cabo na Semana Social teñen temáticas moi variadas: sensibilización e acción ambiental, atención ás persoas maiores e ás persoas migradas, educación, discapacidade ou pobreza infantil, entre outras. A partir de 2023 a Semana Social convértese no Mes Social co obxectivo de multiplicar o impacto xerado.
PLAN FAMILIA
Este é un programa desenvolvido pola Fundación Adecco para orientar e dar apoio a persoas con discapacidade. O seu obxectivo é traballar de forma integral coa persoa e a súa familia para mellorar a súa autonomía, inclusión social e acceso ao mercado laboral.
PLAN AFLORA
Estoutro programa da Fundación Adecco tamén está destinado a mellorar a vida das persoas que teñen algún tipo de discapacidade e convertela nunha oportunidade.
Para iso, esta iniciativa orienta e axuda persoas cunha condición de saúde crónica para que obteñan o certificado de discapacidade e aproveiten as súas vantaxes e beneficios sociais.
