Apostamos pola xestión responsable do negocio, integrando os aspectos sociais e ambientais na toma de decisións dos nosos órganos de goberno. A nosa cultura responsable procura o benestar, o bo ambiente laboral e o desenvolvemento persoal e profesional do noso cadro de persoal.
O compromiso coa sostibilidade afecta todas as áreas da nosa organización e reforza os nosos valores fundacionais. A transparencia, a ética e o bo goberno guían o desenvolvemento da nosa actividade e a maneira como nos relacionamos cos nosos grupos de interese.
Como parte do Grupo CaixaBank, actualizamos periodicamente as nosas políticas para que a sostibilidade estea cada vez máis presente como elemento de creación de valor.
Na páxina de goberno corporativo preséntanse as persoas que forman parte do noso consello de administración e das comisións do consello. Tamén se poden consultar os nosos estatutos sociais, políticas corporativas e outros documentos de interese:
En CaixaBank Payments & Consumer sabemos que o noso cadro de persoal é o noso maior activo. Por iso traballamos para que a nosa actividade se desenvolva nun ambiente laboral inclusivo, diverso e igualitario, no que se impulsan o talento e o desenvolvemento profesional de todas as persoas.
Favorecemos o desenvolvemento das persoas que conforman o noso cadro de persoal mediante unha xestión por competencias para cada perfil profesional e posto de traballo, de maneira que todas as persoas do noso equipo poidan materializar o seu potencial.
A nosa estratexia de aprendizaxe baséase en tres liñas para que as persoas nunca deixen de aprender:
Según lo que exige el ente regulador.
Según las temáticas que sugiere el Plan de Formación del Grupo CaixaBank.
Según los intereses personales en áreas de conocimientos clave y habilidades.
No ano 2022 realizamos máis de 380 formacións e máis de 19.000 horas de formación a 6.487 persoas empregadas, é dicir, unha media de 30 horas por persoa.
Trátase dun novo proxecto formativo para que o noso cadro de persoal estea mellor preparado para dar resposta aos rápidos cambios que se están a producir no sector financeiro (dixitalización, cambios de hábitos do consumidor…). Este proxecto baséase en transformar a xestión de desenvolvemento das persoas implementando un modelo baseado en job profiles e skills (perfís laborais e habilidades). Para lograr esta transformación establecéronse 4 building blocks ou fases:
01
Definir: establécese unha arquitectura única de skill e perfís laborais.
02
Reskilling: identifícanse os perfís e skills demandados e realízanse programas de upskilling e reskilling.
03
Transform: transfórmase a xestión de talento para favorecer os perfís e skills máis demandados.
04
Oportunidades & Desenvolvemento: ofrécense novas oportunidades para todo o cadro de persoal, mediante contidos de autoformación para avanzar no seu desenvolvemento profesional.
A través deste provecto puidéronse identificar 321 job profiles en todas as empresas do Grupo CaixaBank.
Promovemos un ambiente de traballo seguro e inclusivo, baseado no respecto á diversidade e o fomento da igualdade de oportunidades, eliminando calquera tipo de discriminación e contribuíndo ao cambio social positivo. Para conseguilo, temos en marcha o III Plan de Igualdade con máis de 50 accións levadas a cabo.
Fomentamos o trato igualitario e respectuoso entre todas as persoas que conforman o noso cadro de persoal. Mediante formacións e diversos materiais de uso interno, contribuímos a promover o uso da linguaxe inclusiva e non sexista e dunha comunicación libre de nesgos e estereotipos.
Para favorecer un ambiente laboral baseado no respecto, a igualdade de oportunidades e a inclusión, desenvolvemos o programa Wengage, que ofrece sesións de mentoring sobre a diversidade de xénero, funcional e xeracional:
Contribúe ao desenvolvemento de habilidades transversais e de liderado de mulleres con potencial, ao tempo que as axuda a superaren crenzas autolimitadoras.
Potencia a cultura dixital das persoas maiores de 45 anos a través do apoderamento das persoas máis novas, mentres se mellora o liderado dos dous colectivos e se transmite a sabedoría organizativa das persoas máis veteranas.
Por todo iso, desde o ano 2017 ostentamos o distintivo “Igualdade na Empresa” que outorga o Ministerio de Igualdade. En 2022 logramos renovalo cunha prórroga para 3 anos máis.
Entre estes beneficios destacan un salario fixo mensual competitivo e unha retribución variable vinculada a obxectivos, ademais dun seguro médico, entre outros.
Para apoiar as familias das persoas traballadoras: axudas para gardaría, permisos retribuídos, seguros de vida e accidentes ou plans para familias que teñen unha persoa con discapacidade.
Para coidar a saúde do noso cadro de persoal cun seguro médico e dental, froita fresca nas oficinas, unha liga interna de pádel e un club de runners.
Para potenciar a flexibilidade e garantir o equilibrio entre a vida laboral e familiar: tarxeta restaurante, plan de retribución flexible Compensa+, beneficios bancarios do Grupo CaixaBank, flexibilidade horaria e un novo ecosistema laboral híbrido que combina o traballo presencial co remoto.
Ademais, o programa interno Car Sharing pon a disposición do noso cadro de persoal coches eléctricos para o seu uso particular, incluídas as fins de semana.
