PREGUNTAS FRECUENTES:

1. Que é esta comunicación?

É un documento que contén a relación dos xuros, comisións e gastos pagados por vostede, durante o ano pasado, relacionados cos contratos de financiamento que subscribiu coa nosa entidade en calidade de titular/cotitular/avalista.

2. Os importes que aparecen na comunicación, vounos ter que pagar?

Non, vostede xa os aboou no ano pasado e este documento é simplemente informativo.

3. Por que recibo esta comunicación?

Porque vostede é titular, cotitular ou avalista do contrato ou contratos que se especifican na comunicación e de acordo co que establece a Circular 5/2012, do Banco de España, sobre transparencia dos servizos bancarios e responsabilidade na concesión de préstamos a súa entidade financeira debe enviar a cada cliente esta comunicación.

4. Cada canto tempo vou recibir esta comunicación?

Esta comunicación é anual. Para a súa comodidade, se prefire recibir esta e outras comunicacións de forma electrónica lembre deixarnos o seu correo electrónico actualizado dentro da súa área privada de cliente.

5. Esta información ten carácter fiscal?

Non, é só informativa.

6. Que é un avalista e en que se diferencia do titular/cotitular?

Avalista: é a persoa que afianza solidariamente o financiamento coas mesmas responsabilidades que o titular/cotitular do contrato.
Titular/cotitular: é a persoa prestataria responsable do cumprimento das obrigacións derivadas do contrato.

7. Como se calcularon estes importes?

Son a suma dos xuros, comisións e gastos aboados por vostede durante o ano pasado.

8. Que é a pena convencional?

Son os gastos ocasionados pola devolución dun recibo (non inclúe o importe dos xuros de mora).

9.Que diferenza existe entre xuros e xuros de mora?

Os xuros son os aplicados á operación financeira e os xuros de mora son os xerados desde a data do non pagamento dun recibo ata o aboamento deste, con carácter independente ao cobramento da pena convencional.
 

GLOSARIO DE TERMOS

Xuros: remuneración que o consumidor paga á financeira por permitirlle adquirir hoxe un ben e pagalo mañá en varias cotas, normalmente mensuais. O importe dos xuros que hai que pagar en cada cota calcúlase multiplicando a % de xuro mensual polo capital pendente de devolver ao inicio do mes.

Xuros de mora: importe que paga o cliente polo atraso no pagamento das cotas establecidas contractualmente. Este importe calcúlase desde a data de non pagamento dun recibo ata a data de aboamento deste sobre a cantidade non pagada.

Comisión de apertura: cantidade que cobra CaixaBank Payments & Consumer por avaliar a capacidade de pagamento dun cliente e verificar a veracidade da información proporcionada por este no momento da concesión do crédito.

Comisión de apertura financiada: comisión de apertura anteriormente descrita cuxo importe paga CaixaBank Payments & Consumer ao inicio da operación e que o cliente lle devolve xunto coas cotas do crédito.

Comisión de amortización: contraprestación que paga o cliente pola xestión que realiza CaixaBank Payments & Consumer para cancelar total ou parcialmente o crédito de forma anticipada ao establecido contractualmente.

Pena convencional: custo que paga o cliente pola xestión de reclamación do recibo non pago que realiza CaixaBank Payments & Consumer. 

Comisión de disposición de efectivo: remuneración que paga o cliente pola xestión que realiza CaixaBank Payments & Consumer para proporcionarlle efectivo en metálico nos caixeiros automáticos ou ingresalo na súa conta bancaria.